ઝઘડિયા જીઆઈડીસીની બ્રિટાનીયા ઈન્ડસ્ટ્રીઝ માંથી રાત્રીના સમયે પ્રદુષિત પાણી બહાર કાઢતા હોવાની ફરિયાદ.

Published on BNI NEWS 2020-02-12 17:16:16

    • 12-02-2020
    • 459 Views

    (પ્રતિનિધિ : જયશીલ પટેલ,ઝઘડિયા)

    સ્થાનીક ગ્રામજનો દ્વારા પ્રકૃતિ સુરક્ષા મંડળને કરવામાં આવી આવતા હાલ માં પણ કંપનીના પાછળના ભાગેથી વરસાદી કાંસમાં છોડાયેલું આ ગંદુ પાણી નજરે દેખાય છે.

    જીઆઈડીસી ઝઘડિયા ની મોનીટરીંગ ટીમ દ્વારા સેમ્પલો લેવામાં આવ્યા છે જોકે સ્થાનીય પર્યાવરણવાદીઓ ની માંગણી છે કે જીપીસીબી દ્વારા તપાસ કરી કાર્યવાહી કરવામાં આવે.

    ઝઘડિયા જીઆઈડીસીના પ્લોટ નંબર.૨૩ માં આવેલ બ્રિટાનીયા ઈન્ડસ્ટ્રીઝ બિસ્કિટનું ઉત્પાદન કરે છે. બ્રિટાનીયા ઈન્ડસ્ટ્રીઝ એ ઝીરો ડિસ્ચાર્જ  કેટેગરી માં આવે છે અને કાયદા મુજબ એમનું ગંદુ પાણી એમણે એમના પ્લાન્ટ માં ટ્રીટમેન્ટ કરી પ્લાન્ટમાં જ વપરાશ કરવાનું હોય છે.તેનો બહાર નિકાલ કરવો એ ગુનાહિત બાબત છે.બહાર ગંદુ પાણી જવાથી પર્યાવરણ ને નુકશાન થાય છે આ સિવાય આવા અન્ય કેટલાય એકમો છે.જેઓ ઝીરો ડિસ્ચાર્જ ની પરવાનગી લઈ ને ગેરકાયદેસર બહાર નિકાલ કરતા હોય છે.જેનાથી જળ-જમીન ના પર્યાવરણ ને નુકશાન થાય છે અને માનવ સ્વાસ્થ્ય ને પણ ગંભીર નુકસાન થઈ રહ્યું છે. ગતરોજ મોડીરાતે બ્રિટાનીયા કંપનીની પાછળ આવેલ વરસાદી કાંસ માં કંપની દ્વારા પ્રદુષિત પાણી છોડવામાં આવ્યું હતું.આ બાબત સ્થાનિકોના ધ્યાને આવતા તેમણે જીઆઈડીસી મોનીટરીંગ ટીમ તથા પ્રકૃતિ સુરક્ષા મંડળના સલીમભાઈ પટેલને જાણ કરી હતી. પ્રકૃતિ સુરક્ષા મંડળ તરફથી બ્રિટાનીયા ઈન્ડસ્ટ્રીઝ ના એચ.આર. મેનેજર નીનાત દેસાઈને બનાવ વિષે પૂછતા તેમણે જણાવ્યું હતું કે અમારા કર્મચારી ની ભૂલ ને કારણે ગંદુ પાણી બહાર ગયું છે. અમારી આ ફૂડ ઈન્ડસ્ટ્રીઝ છે અને જે પાણી ભૂલ થી બહાર ગયું છે એ એસીડીક નથી અને હવે આવી ભૂલ ના થાય એવા પ્રયત્નો કરીશું. આ બાબતે પ્રકૃતિ સુરક્ષા મંડળ તરફથી બનાવની ફરિયાદ જીપીસીબી ને કરવામાં આવી છે.જ્યાં જીપીસીબી તરફથી તપાસ કરવાનું આશ્વાસન આપવામાં આવ્યું છે.

    અત્રે ઉલ્લેખનીય છે કે જીઆઈડીસીમાં બનાવેલ વરસાદી કાંસને સેલોદ,ફૂલવાડી,કપલસાડી, થઈને વહેતી ખાડી સાથે ગેરકાયદેસર જોડાયા છે.જેથી ઝઘડિયા જીઆઈડીસીનું તમામ પ્રદુષિત પાણી ખાડીઓ મારફતે નર્મદામાં ભળે છે.જે ઝઘડિયા જીઆઈડીસીના ઉદ્યોગપતિઓ ની ગંભીર ગેરરીતિ કહી શકાય.આવું તેમના દ્વારા વારંવાર કરવામાં આવે છે.જેથી તેમની સામે દંડનીય નહિ પણ ફોજદારી રાહે કાર્યવાહી થવી જોઈએ તેવી પ્રકૃતિપ્રેમીઓ અને સ્થાનિકોની માંગ છે.