પવિત્ર શ્રાવણ માસ મા નર્મદા તટે આવેલ ગોરા ખાતે શુલપાણેશ્વર મહાદેવના મંદિરેભક્તોની ભારે ભીડ.

Published on BNI NEWS 2021-08-19 14:09:22


  • Notice: Undefined variable: news_heading_details in /home/suratxyz/indiaupdate.in/websitelayout2/detail.php on line 613

    • 19-08-2021
    • 1869 Views

    (પ્રતિનિધિ : જ્યોતિ જગતાપ,રાજપીપળા)
    નર્મદા જિલ્લાના નર્મદા તટે ગોરા ખાતે આવેલ શુલ્પાણેશ્વર મહાદેવનુ એક માત્ર એવુ સ્વયંભુ શિવમન્દિર છે જેની સ્થપના ખુદ ભગવાન શઁકરે કરી હતી. આ મંદિરનો પ્રાચીન ઇતિહાસ સ્કંધ મહાપુરાણ અને રેવાસ્કંધમા ઉલ્લેખ છે. આ મન્દિરની વિશેષતા એ પણ છે કે નર્મદાડેમ મા આ મંદિર ડુબાણમા જવાથી આખે આખા મન્દિરે જળસમાધિ લેતા મન્દિર ડૂબમા જવાથી 1994મા તેની કાર્બન કોપી એટલે લેકે મૂળ મન્દિરની પ્રતિકૃતિ સમાન ગોરા ટેકરી પર નવા મન્દિરનુ નિર્માણ કરવામાં આવ્યું. ત્યારથી દર ચૈત્રી અમાસે અહીં ભવ્ય મેળો ભરાય છે જેમાં ત્રણ રાજ્યોના લાખો ભક્તો ભગવાન ના દર્શને ઉમટે છે. અને ભગવાનના દર્શન કરી અને નર્મદા સ્નાન કરી ધન્યતા અનુભવે છે.આવો આપણે આ પ્રાચીન મન્દિરનો ઇતિહાસ જાણીએ.
    હાલ પવિત્ર શ્રાવણ માસ મા નર્મદા તટે આવેલ ગોરા ખાતે શુલપાણેશ્વર મહાદેવના મંદિરે ભક્તોની ભારે ભીડ જામી રહી છે.સરદારસરોવર નર્મદા યોજનાને કારણેડૂબમાં જતા આ મૂળ મંદીરે નર્મદામાં જળસમાધી લીધી હતી.ત્યાર બાદ ગોરા ગામે નર્મદા નદીથી ૧૬૦ ફૂટ દૂર નાની ટેકરી ઉપર તેની પ્રતિકૃતી સમાન શુલ્પાણેશ્વર મહાદેવનુ નવું મન્દિર તૈયાર કર્યું છે. જયાઆજે પણ આ મન્દિર લાખો ભક્તોની આસ્થાનુ કેન્દ્ર બન્યું છે.ગોરા ખાતે શુલપાણેશ્વર મહાદેવનું નવું મંદિર ગુજરાતમાં બેનમૂન કલાકારીગરી યુક્ત પ્રાચિન અને અર્વાચીન સંસકૃતિના સુમેળ સમાન મંદિર ગણાય છે.અહીં 
    શુલપાણેશ્વર મહાદેવના મંદીરે આજે ચૈત્રી અમાસે ભવ્ય ભાતીગળ મેળો ભરાય છે.જેમાં ત્રણ રાજ્યો મધ્યપ્રદેશના ત્રણ રાજ્યોના લાખો શ્રધ્ધાળુઓનો માનવ મહેરામણે મેળામાં ઉમટે છે.1994 થી નવા મંદિરે ભવ્ય મેળો ભરાય છે.હાલ પવિત્ર શ્રાવણ માસ ચાલતો હોય પવિત્ર શ્રાવણમા શુલપાણેશ્વર દાદાની પૂજા અને ભક્તિનુ વિશેષ ધાર્મિક મહત્વ છે.પવિત્ર શ્રાવણ માસમાં દૂર દૂરથી ભક્તો મોટી સંખ્યામાં ભક્તો દર્શને ઉમટે છે અને નર્મદા સ્નાન કરીને ધન્યતા અનુભવે છે.શ્રધ્ધાળુઓ શુલપાણેશ્વર મહાદેવના દર્શન કરી પોતાની બાધા, આખડી,માન્યતા પુરી કરી ધન્યતા અનુભવે છે.
    પૂરાણોમાં જણાવ્યા અનુસાર અંધકાસુર દૈત્યનો વધ કર્યા બાદ ભગવાન શંકરે રક્તરંજીત ત્રિશુલ ધોવા માટે ભગવાન શઁકરે આ ભૂમિમાં ત્રિશુલ વડે પ્રહાર કર્યો હતો.ત્યાર બાદ આ ધરતી રસા તાળ થતાં તેમાંથી શિવલીગ પ્રગટ્યું.અને જમીનમાથી ફુવારો વછૂટ્યો.તેમાં ભગવાને ત્રિશુલ ધોયું હતું.તેથી તે શુલપાણેશ્વર મહાદેવ કહેવાયા.
    સ્કંધ પુરાણમા 44મા અધ્યાય મા શુલભેદ પ્રસંશાનુ વર્ણન છે.
    ભગવાન શિવજીએ ભ્રુગુપર્વત ઉપર અહીંથી 12કિમિ સરદાર સરોવર ડેમથી 4કિમિ પાછળભગવાન શિવજીએ આ પર્વત ઉપર શિવજીની સ્થાપના કરી હતી.ચૈત્ર વદ અમાસ ના દિવસે બ્રહ્મહત્યાં લગતા બ્રહ્મહત્યાંનો મોક્ષ થતાં ભગવાન શિવજીએ પોતાના હાથે આ શિવલીગની સ્થાપના કરી હતી.
    ઉપરાંત નવા મંદિરમાં શિવલીંગ ઉપર ચાંદીનો નાગ છે તે સંવંત ૧૯૬૪મા ભરુચના લાલા ગોવીદ ગોરવાલાએ પંચધાતુની નકકર ધાતુ પર ચાંદીના પતરા જડીતૈયાર કરાવ્યો હતો.જે તે સમયે તેનીકિંમત ૨૧રૂ  હતી હવે જો કે આજે તેની કિંમત લાખોમાં વધી જવા પામી છે.તે ઉપરાંત ત્યા માતા પાર્વતી દેવીની મૂર્તિ ને આગળના ભાગે શ્રી ગણેશજી તથાહનુમાનજી અને કશ્યપદેવ સાથીભવય નંદીનીસ્થાપના પણ કરવામાં આવી છે.
    અહીં ભરાતા મેળામાં દાળીયાનું સૌથી મોટું બજારભરાય છે .શિવજીને દાળીયા અતિ પ્રિય હોવાથી હજારો ભક્તો એ શીવજીને દાળીયાનો પ્રસાદ આજેપણ ચડાવે છે. અહીં નર્મદા સ્નાનનુ વિશેષ ધાર્મિક મહત્વ છે. પવિત્ર શ્રાવણમા ભક્તો નર્મદા સ્નાન કરી ધન્યતા અનુભવે છે.શુલપાણેશ્વર મહાદેવના મંદિરે ચૈત્રી અમાસવહેલી સવારે આરતી તથા પંચોપચાર પૂજા કરવામાં આવે છે.બપોરે આરતી પૂજા બાદ શુલપાણેશ્વરમહાદેવની શણગારેલી ભવ્ય પાલખી યાત્રા વાજતેગાજતે બેન્ડવાજા સાથે નીકળે છે.જેમાં મોટી સંખ્યામાંભક્તો જોડાય છે.જ્યા મહાદેવને પવિત્ર નર્મદા સ્નાન કરાવીવેદોક્ત મંત્રોચ્ચાર સાથે આરતી પૂજન કરીને પાલખી યાત્રા વાજતે ગાજતે મંદિરે પહોચે છે.અમાસના દિવસે ૨૪કલાક મંદીરના દ્વાર ખુલ્લારાખવામાં આવે છે.મંદીરે આગલે દીવસે માતાજી અને મહાદેવના પૌરાણિક ઘરેણા ચાપતા પોલીસ બંદોબસ્ત સાથે ટ્રેઝરી માંથી લાવી ઘરેણા પહેરાવવામાં આવે છે.તથા શ્રીજીનો શણગાર કરવામાં આવે છે જેના દર્શન કરી ભક્તો ધન્યતા અનુભવે છે.